ប្លែកប្លែក


ដើមឈើមានមុខមនុស្សគួរឲ្យខ្លាច
លោក DAVID GARNHAM ​ជន​ជាតិ​​អង់គ្លេស​បាន​រក​ឃើញ​​នា​ពេលថ្មីៗ​នេះ នូវ​ដើម​ឈើ​ដ៏ចម្លែក​មួយដើម​ដែល​មាន​មុខ​​ស្រដៀង​​មុខ​មនុស្ស ។​​ ដើម​ឈើ​នោះ​ញ៉ាំឱ្យក្មេង​​ៗ​​​រស់​នៅ​ក្បែរ​ខ្លាច ។ ​ដើមឈើ​​ចម្លែក​​មាន​មុខ​ស្រដៀង​​​មនុស្ស​នេះ ​​រកឃើញ​ដោយ​លោក DAVID GARNHAM ​​អ្នករស់នៅ SUFFOLK ។​ ដើម​ឈើ​​​នេះ​មាន​​កម្ពស់​ប្រមាណ​ជា​​២១​ម៉ែត្រ ហើយ​​មាន​មុខ​​​​ដែល​មាន​មាត់​ ច្រមុះ និង​ភ្នែក​២ ហើយ​នៅ​ពីក្រោម​​មាត់​មាន​វល្លិ៍​ពណ៌​​ខៀវ​​រាង​ដូចអណ្តាត ។
លោក DAVID ពន្យល់ថា ​​ការ​រក​ឃើញ​ដើម​​ឈើ​ចម្លែក​នេះ​បង្ហាញ​​​ពីអាថ៌កំបាំង​​ និង សម្រស់​​​របស់ធម្មជាតិ ។​​​ ដើម​ឈើនេះ​​នាំឱ្យគេ​រំលឹក​​ដល់​ដើមឈើ​​ក្នុង​ខ្សែភាព​យន្ត​​​របស់​ HARRY POTTER ។ ប្រជា​ជន​មូលដ្ឋាន​​បាន​ហៅ​​ដើមឈើ​​នេះ​ថា ​ជា​ដើម​ឈើ​​ដែលអាក្រក់​​ជាងគេ​​ និង​ចម្លែក​​ជាង​គេ​របស់​ប្រទេស​​រហូត​​​ដល់​លើ​ពិភព​លោក​ទៀត​ផង ៕

 ស្រ្តីមា្នក់ស្រាតចុះក្នុងសមុទ្រ
ស្ត្រី​​អ្នកហែលទឹក​ជនជាតិរុស្ស៊ី​ម្នាក់​កាល ​ពី​​ពេលថ្មីៗ​កន្ល​ងមក​​បានបង្កើត​​ព្រឹត្តិការណ៍​ដ៏​អស្ចារ្យ​​មួយ ដោយ​នាង​បានស្រាត​សម្លៀក​បំពាក់​​​​ចេញអស់​ ហើយចុះ​​ហែល​ក្នុងទឹក​​​សមុទ្រ​​​អាក់ទិក​ដែលត្រជាក់​​បំផុត​ទៅផ្សាំង​ ត្រីបាឡែន​សម្បុរ.ស​​​មានមាឌ​​ធំប៉ុន្មាន​ក្បាល ។ ស្ត្រីដ៏​ក្លាហាន​​រូបនេះ​​​ឈ្មោះ Natalia Avseenko អាយុ​​​៣៦​ឆ្នាំ ​បានទ្រាំ​នឹង​​ភាពត្រជាក់​​​ចុះក្នុង​សមុទ្រ​ ដើម្បី​ផ្សាំង​បាឡែនសម្បុរ.ស​ទាំងនោះ​។​
ការ​ស្រាត​​ចុះ​ក្នុង​​​សមុទ្រ​​មានទឹកត្រជាក់​បំផុត​នេះកើតឡើង​នៅ​តំបន់​ភាគពាយ័ព្យ​​ប្រទេស​​រុស្ស៊ី ។
នាង Natalia ត្រូវ​បាន​​គេបញ្ចុះបញ្ចូល​​​ឱ្យ​ស្រាត​​​ហែល​​ទឹកផ្សាំង​​​បាឡែន​សម្បុរ.ស​ ទាំង​នេះ ព្រោះ​​អ្នក​វិទ្យាសាស្ត្រ​​មានជំនឿ​​​​ថា ការ​​ស្លៀក​ពាក់​​ចុះហែលទឹក​​ផ្សាំង​បាឡែន​​​ប្រភេទនេះ​​មិនអាច​ធ្វើ​​​ ទៅរួច​​នោះទេ ព្រោះ​​ពួក​វា​​មិនចូល​ចិត្ត​​ប៉ះដោយរបស់​​​សិប្បនិមិត្ត​​ដូចជា ​​សម្លៀក​បំពាក់​​ហែលទឹក​​​ជាដើម​នោះទេ ៕

ដេវីត បេកខាំ​ មានបំណងចង់បង្ហាញពីរូបសាក់លើអវយវៈភេទ
ដេវីដ ​បេកខាំ​ ខ្សែបម្រើ​ក្លឹប​Los Angeles Galaxy បង្ហាញ​នូវ​​ភាព​រីករាយ​​តាម​រយៈ​​បទ​សម្ភាសន៍​​ ពេល​ពិធីករ​ហ្គ្រេក​ ហ្វើគូសុន​ សាក​សួរពី​ស្នាម​​សាក់​​ និង​​​បបួល​ទៅ​សាក់​​រូប​លើ​អវយវៈ​​ភេទជាមួយ​គ្នា​ ពេល​នោះ​​​ខ្សែបម្រើ​​​អាយុ​​៣៦ឆ្នាំ​​រូបនេះ​បែរ​ជា​មិន​​​បដិសេធ​ថែម​ទាំង ​ធ្វើ​​ការកោតសរសើរ​ថា ជាគោល​​គំនិត​ដ៏​អស្ចារ្យ​បំផុត ។
បេក​ខាំ បាន​បញ្ជាក់​​ប្រាប់​​ពិធី​ករ​ហ្វើគូសុន​ថា លោក​នឹង​មិន​​បញ្ឈប់​ការសាក់​ត្រឹម​នេះទេ ទោះ​បី​​ជា​កន្លង​មក​​មាន​ស្នាម​សាក់​ស្ទើរតែ​​ពេញ​​រាង​កាយ​​​និង​មិន​​ បានទទួល​​​ការ​កោត​សរសើរ​ពី​ប្រពន្ធ​​ក៏ដោយ​។​ ដេវីដ បេកខាំ បញ្ជាក់​​ដូច្នេះ​ថា ៖«នៅ​រៀងរាល់​​​ពេល​ដែល​ខ្ញុំ​​ទៅ​សាក់​ ប្រពន្ធ​​បាន​រិះ​គន់​ថា ប្រហែល​​ជា​ខ្ញុំ​មិន​មែន​​​សាក់​​ត្រឹម​តែមួយ​កន្លែង​ឡើយ»។​ ក្រៅពីនេះ ដេវីដ បេកខាំ បាន​បង្ហើប​ឱ្យ​ដឹង​ទៀតថា លោក​យល់​ព្រមឱ្យ​​​កូន​ប្រុស​ទាំង​​៣នាក់​​របស់​លោក​សាក់​នៅ​ពេលដែល​​​ពួកគេ ​ពេញ​​វ័យ​ ប៉ុន្តែ​លើកលែង​តែកូ​ន​ស្រី​ដែល​ជិត​ផ្តល់​កំណើត​នាពេល​​ខាង​មុខ ​និង​មិន​​ប្រាកដ​ថា គួរ​អនុញ្ញាត​​ឱ្យ​គេសាក់​​ឬអត់ ? ដេវីដ បេក​ខាំ  ​គូស​បញ្ជាក់​​ថា ៖«​​ខ្ញុំ​មិន​​​ទាន់​​ប្រាកដ​ក្នុង​ចិត្ត​ថា គួរតែ​​​ឱ្យ​នាង​(កូនស្រី) សាក់​ឬអត់ ? ប៉ុន្តែ​​សម្រាប់​​កូន​ប្រុស ខ្ញុំ​មិន​ហាម​ឃាត់​ពួកគេទេ ព្រោះ​​ខ្ញុំ​ស្រឡាញ់​​ស្នាម​​សាក់ ។ ស្របពេល​ជាមួយគ្នា​​នេះ ខ្ញុំ​ក៏​មិន​ប្រាកដ​​ក្នុង​ចិត្ត​ថា នឹង​មាន​លក្ខណៈ​ល្អ​ប្រសើរ​ឬអត់​នៅពេល​ខ្ញុំ​អាយុ​៧៥  ឆ្នាំ?»។

ក្មេង​ប្រុស​​​ចិន​អាយុ4ឆ្នាំ​​មាន​ទម្ងន់​​ជាង60​គីឡូ​ក្រាម​ជាប់​​ឯតទគ្គ​កម្មពិភពលោក​​​​
 ក្មេងប្រុស​ជនជាតិចិនម្នាក់អាយុ​​​៤​ឆ្នាំ ​មាន​ទម្ងន់​​​ដល់ទៅ​​​៦៣​គីឡូក្រាម​​ឯណោះ ​ធ្វើ​​ឱ្យគេ​ជាប់​​ឯតទគ្គ​កម្មជា​ក្មេង​​​មាន​ទម្ងន់​​​ធ្ងន់ជា​ងគេ​​​នៅ​ លើ​​ពិភព​លោក​​។ ក្មេង​ប្រុស​​រូបនេះ​ឈ្មោះ Lu Zhihao រស់នៅ​​ក្នុងទីក្រុង​​​ហ្វូសាន ខេត្ត​​ហ្គាង​ដុង ​ចាប់​ផ្តើម​រីកធំធាត់​ និង​​ឡើង​​ទម្ងន់​​​តាំង​ពី​មាន​អាយុ​​​៣​ខែ​​ម៉្លេះ​​។​ ទីភ្នាក់ងារ​ព័ត៌​មាន​​​​ចិនស៊ីនហួ​​រាយការណ៍​ថា ​សព្វថ្ងៃ​​​នេះ​ឪពុក​​ម្តាយ​របស់​ក្មេង​ប្រុស​​​ Lu មាន​ការព្រួយបារម្ភ​​​យ៉ាង​ខ្លាំង​អំពី​ការឡើង​ទម្ងន់ខុស​ប្រក្រតីបែបនេះ​ របស់​​កូន​ ហើយ​បាន​​នាំ​គេ​ទៅ​កាន់​មន្ទីរ​​ពេទ្យ​​ជា​ច្រើន​​ដើម្បី​​​ឱ្យវេជ្ជ​ បណ្ឌិត​​ជួយរិះ​រក​​មធ្យោ​បាយ​ធ្វើ​​ឱ្យ Lu កុំ​ញ៉ាំ​​​អាហារ​ច្រើន​​ពេក ។​
ម្តាយក្មេង ​​ប្រុស​​យក្ស​នេះនិយាយ​​​ឱ្យ​​ដឹង​ថា ​ក្នុងមួយ​ថ្ងៃ​ កូនរបស់​​​គាត់ញ៉ាំ​បាយ​​៤ដង ហើយ​ក្រោយ​​ពីញ៉ាំ​បាយ​​គេ​​ដើរ​រក​ទិញរបស់​អ្វីញ៉ាំ​ទៀត៕



ព្រឹត្តិការណ៍​ជិះកង់ស្រាត​ប្រចាំ​ឆ្នាំ​​ចាប់​ផ្តើម​ក្នុង​​​ទីក្រុង​ឡុងដ៍​

 មនុស្សប្រុស​​ស្រីជិត​​១.០០០នាក់ ​កាលពី​ពេលថ្មីៗ​កន្លង​​មក​ បាន​ប្រមូលផ្តុំ​គ្នា​​​​ក្នុងទីក្រុង​​​ឡុងដ៍ ​​ប្រទេស​អង់គ្លេស ​ដើម្បីចូលរួម​ព្រឹត្តិ​ការណ៍​​ប្រចាំ​ឆ្នាំ​​​​មួយ​គឺព្រឹត្តិការណ៍​ជិះ​ កង់ស្រាត​ប្រចាំ​ឆ្នាំ ។ ​​ក្នុងព្រឹត្តិការណ៍​នេះ​អ្នក​ចូលរួម​​ទាំង​អស់​បាន​ស្រាត​សម្លៀកបំពាក់​ ចេញអស់​ រួច​​នាំ​គ្នា​ជិះ​​កង់​​នៅ​​តាមផ្លូវ​​នៅទូទាំង​ទីក្រុង​​ឡុងដ៍​។​
ព្រឹត្តិការណ៍ ​ជិះកង់​​ស្រាត​នេះ​​រៀបចំ​​ឡើង​សំដៅ​កាត់បន្ថយ​​ការ​ពឹងផ្អែក​លើការ​ ប្រើប្រាស់​​​ប្រេង និង​រថយន្ត​ ហើយជំរុញ​​​ឱ្យ​​មានការប្រើ​ប្រាស់​​កង់ក្នុងទីក្រុង​​​កាន់តែច្រើន​ ។ ព្រឹត្តិការណ៍​​ជិះកង់​ស្រាត​នេះ​​រៀបចំ​​ឡើង​ក្នុង​ទីក្រុង​​ជាង​​​៥០​​នៃ​ ​ប្រទេស​នានា​លើពិភពលោក ៕


ដំរី​​៤ក្បាលចុះ​​ប្រេង​នៅ​​ប្រទេស​ឥណ្ឌា​​​បង្ក​ចលាចល​ពេញទីក្រុង​​ និងសម្លាប់​​មនុស្សម្នាក់​

 ដំរីមាឌ​យ៉ាងធំ​​​៤​ក្បាល​ចុះ​ប្រេង បង្ក​​ឱ្យ​មាន​​ការភ្ញាក់​ផ្អើល​​​យ៉ាង​ខ្លាំង ​នៅក្នុងទីក្រុង Mysore ប្រទេស​ឥណ្ឌា កាលពីថ្ងៃ​ទី​៨ មិថុនា ​កន្ល​ងមក ​ហើយ​ដំរី​មួយក្បាល​បាន​ជាន់​បុរសម្នាក់​អាយុ​​​៥៥​ឆ្នាំ ជា​សន្តិសុខ​នៅ​​ធនាគារមួយ​រហូត​ដល់​ស្លាប់។ តាមសេចក្តី​រាយការណ៍​​ថា ដំរី​ទាំងនេះ​បាន​ចេញពី​ក្នុងព្រៃ​​ហើយ​​​ចុះប្រេង​​​​រត់ចូលក្នុងក្រុង​​ នោះ​​ ខណៈ​ពេលកំពុងមានមនុស្ស​​​ធ្វើដំណើរ​យ៉ាង​ច្រើនកុះករ​​ធ្វើ​​ឱ្យមានការភ្ញាក់ ​ផ្អើល​​យ៉ាង​ខ្លាំង និង​​​​ធ្វើ​ឱ្យ​ចរាចរ​ណ៍ត្រូវ​​គាំង​​។​
ក្នុង​ ហេតុការណ៍​នេះ​ដែរ ដំរី​ទាំងនោះ​​បាន​​​យកខ្លួនរបស់វា​​រុញ​រថយន្ត​ដែលចត​ស្ងៀម​​​ហើយ​​រត់​​ ដេញ​​​មនុស្ស​ និងបំផ្លាញ​​របស់​របរ​ផ្សេងៗ។ ​​ដំរី​២ក្បាល​​ក្នុងចំណោម​​ដំរីទាំង​​​៤ក្បាល ​​ត្រូវ​ចាក់​​ថ្នាំ​​ឱ្យ​សន្លប់​​​ ចំណែក​​​២ក្បាល​​​ទៀត​មិន​អាចធ្វើ​​អ្វី​​វា​បាន​ឡើយ ដោយនៅ​ចុះប្រេង​​​រត់ចូលក្នុងផ្ទះ​​ប្រជាពលរដ្ឋ​​​បំផ្លាញទ្រព្យសម្បត្តិ​​ ផ្សេងៗ​។​
ដើម្បី​​​ជា​វិធានការ​បង្ការ​​​សាលា​រៀន​​មួយ​​​ចំនួន និង​សាកលវិទ្យាល័យ​​នានា​ក្នុងទីក្រុង​នោះ​ត្រូវ​បាន​បិទទ្វារ​រយៈ​ពេល​ មួយថ្ងៃ ​​ហើយ​ប៉ូលិស​​​​ជា​ច្រើន​​នាក់​​ត្រូវបាន​ដាក់ពង្រាយ​​​ដើម្បីទប់ទល់​ជាមួយ ​​​ដំរីទាំងនោះ ៕


បុរស​សុំ​ទាន​​ផ្តល់​អំណោយ​ដល់​ស្ត្រី​អនាថា​​ចំនួន​ជាង​1​​ម៉ឺន​ដុល្លារ​
តាម​ប្រភព​ព័ត៌​មាន​​អាស៊ី​វ័ន (Asiaone) ចេញ​ផ្សាយ​​កាល​ពី​ថ្ងៃ​អាទិត្យ ​ទី​២២ ​ឧសភា ​ឆ្នាំ​២០១១ ​បាន​ឱ្យ​ដឹង​ថា ​លោក Curtis Jackson ដែល​​ជា​​​អ្នក​សុំ​ទាន​​ចាប់​តាំង​ពី​ឆ្នាំ​២០០៤ ​បាន​សុខ​ចិត្ត​​ប​រិ​ច្ចាគ​ទឹក​ប្រាក់​ចំនួន​១១.១១១​ដុល្លារ​​ដល់​ស្ត្រី​ អនាថា​​ ។
លោក Curtis Jackson គ្មាន​​ផ្ទះ​សម្បែង​​ និង​គ្មាន​ការ​ងារធ្វើ​ចាប់​តាំងពី​​ឆ្នាំ​២០០៤ ។ លោក​រក​ប្រាក់​​បាន​តាម​​រយៈ​​ការ​ឈរ​សុំ​លុយ​នៅ​តាម​ដង​​វិថី​នានា។ លុយ​ដែល​លោក​រក​បាន​លោក​បាន​ធ្វើ​ការ​​បែង​ចែក​​ជា​៣​​ចំណែក ​ទី​១ គឺ​​សន្សំ​ទុក, ទី​២ ចំណាយ​ទៅ​លើ​ថ្ងៃ​​ឈ្នួល​រថយន្ត​ក្រុង និង​ទី​៣ សម្រាប់​ទិញ​​អាហា​រហូប​ចុក​ប្រចាំថ្ងៃ ។
ទាក់​ទង​ទៅ​​នឹង​ការ​បរិ​ច្ចាគ​​​ថវិកា​​ទៅ​ឱ្យ​ ស្ត្រី​​មេម៉ាយ​កូន១​ដ៏​សន្ធឹកស​ន្ធាប់​​បែប​នេះ មិន​ត្រូវ​បាន​លោក Curtis Jackson ប្រាប់​លំអិត​​នោះ​ទេ ដោយ​គ្រាន់​តែ​និយាយ​ថា ស្ត្រី​រូប​នេះ​ធ្លាប់​ជួយ​រូប​គាត់​កាល​ពី​អតីត​កាល ។ ​ទោះ​បី​​ជា​ស្ថិត​ក្នុង​ភាព​ជា​ជន​អនាថា​​បែប​​នេះ​ក្តី ក៏​​​ទស្សនៈ​របស់​លោក​មិន​ចាញ់​​​ទស្សន​វិទូឡើយ ។ ​លោក​បាន​ពោល​ថា ៖ ​លោក​គ្មាន​ផ្ទះ​សម្បែង​​ តែ​មិន​មែន​​គ្មាន​ក្តី​សង្ឃឹម​នោះ​ទេ មួយ​វិញ​ទៀត​​លោក​បាន​និយាយ​ថា ​លុយ​​មិន​មែន​ជា​ចៅ​ហ្វាយ​​របស់​លោក​ទេ ​លោក​គឺ​អ្នក​​​មាន​ជាងគេ​បំផុត​នៅ​លើ​​ភព​ផែន​ដី​នេះ៕